Алтын Орданың, оның ішінде Жошы ұлысының мұрасы заманауи ұлттық бірегейлікті қалыптастыру жолындағы жаңа бағдар ретінде жариялануда. Енді Vputi.kz порталында сіз цифрлық саяхат жасап, Қазақстанның ортағасырлық қалаларын тамашалай аласыз.

Қазақстанның бай тарихи мұрасын зерттеу мен дәріптеу бүгінде түбегейлі жаңа деңгейге көтерілуде. Мемлекет басшысы Қасым-Жомарт Тоқаев тарихи-мәдени естелікті сақтау — болашақ ұрпақ алдындағы қасиетті борышымыз екенін бірнеше рет атап өткен болатын. Тарихымыз терең әрі ұлы, сондықтан бүгінде мемлекет тарапынан Орталық Еуразия халықтарының ортақ тарихын, бірегейлік пен тарихи сабақтастық мәселелерін қайта пайымдау бойынша жүйелі жұмыс жүргізілуде.

Осы ауқымды жұмыс аясында Қазақстан Алтын Орданың, атап айтқанда Жошы ұлысының бейнесін қайта жаңғырту бағытында нық қадамдар жасауда:

- Президент Алтын Орданың өркениеттік, интеллектуалдық және рухани маңызын тереңірек зерттеу қажеттігін мәлімдеді. Ғылыми ізденісті кеңейту мақсатында бұған дейін арнайы Жошы ұлысын зерттеу институты құрылған болатын;

- Қазақстанның жаңа академиялық тарихында алғаш рет толығымен Алтын Ордаға арналған жеке том пайда болады;

- Жошы ұлысының феноменін жаһандық деңгейге шығару және оны заманауи ұлттық бірегейліктің ажырамас бөлігіне айналдыру мақсатында кітаптар шығару, фильмдер түсіру және көрмелер ұйымдастыру жоспарлануда.

Осы ауқымды мемлекеттік бағыттан шабыт ала отырып және ұлттық жадыны сақтауға өз үлесін қосуға ұмтыла отырып, Kaztechnology командасы Vputi.kz мультимедиялық порталының «Бейнегид» бөлімінде жасанды интеллект мүмкіндіктерін пайдалана отырып, ерекше «Ұлы даланың тарихи қалалары» цифрлық жобасын әзірледі.

Сіздерді уақыт пен кеңістікке бойлайтын осы бір қызықты да танымдық саяхатқа қатысып, ортағасырлық Отырар, Сарайшық, Сығанақ, Тараз, Түркістан, Жезқазған қалашығы мен Ұлытауға виртуалды түрде баруға шақырамыз.

Бұл бөлім Президенттің бабаларымыздың ұлы мұрасын дәріптеу жөніндегі бастамаларының қисынды жалғасы болды. Мұнда әрбір тілек білдірушіге мемлекеттілігіміздің бастауына үңілуге, ежелгі Қазақстан мәдениетінің ұлылығын көруге және қоғамның заманауи дамуы үшін тарихи тәжірибенің маңыздылығын сезінуге мүмкіндік беретін бірегей материалдар ұқыпты жинақталған. Тамашалауларыңыз сәтті өтсін!